Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 461 Hüküm no: 569 Orijinal metin no: [71b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin’in Fatıma Hatun’dan aldığı eve ait hissenin parasını ödemesi Ma‘rûz Sâhib-i arzuhâl Fâtıma Hatun zâtı ba‘de’t-ta‘rîfi’ş-şer‘î meclis-i şer‘de derûn-ı arzuhâlde mastûrü’l-ism üvey oğlu Hüseyin muvâcehesinde mahmiye-i İstanbul’da Şehremîni kurbünde Ereğli mahallesinde vâki‘ ma‘lûmü’l-hudûd ve’l-müştemilât menzilden on altı sehm i‘tibâriyle iki sehmi irsen ve yedi sehmi şirâen mâlike olduğum cem‘an dokuz sehm hisse-i şâyi‘amı bundan akdem yetmiş guruşa mezbûr Hüseyin’e bey‘ ve teslîm eylediğimde ol dahi iştirâ ve tesellüm etmiş idi, el-hâletü hâzihi semeni olan meblağ-ı mezbûru merkūm Hüseyin’den taleb ederim deyü da‘vâ ol dahi ikrâr ve i‘tirâf etmekle mûcebince meblağ-ı mezbûr yetmiş guruşun edâsına merkūm Hüseyin’e tenbîh olunduğu huzûr-ı âlîlerine i‘lâm olundu. Bâkī fermân men-lehü’l-emrindir. Fî 28 M sene 1153.