Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 462 Hüküm no: 570 Orijinal metin no: [71b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Norsez ve ortağının un ücreti olarak Sahtin’den alacakları konusunda sulh sağlandığı Ma‘rûz Arzuhâl eden ( ) ve şerîki Norsez zimmî Bab Mahkamesi’nde meclis-i şer‘de derûn-ı arzuhâlde mastûrü’l-ism Sahtin zimmî muvâcehesinde mesfûr Sahtin zimmî yedimizden iştirâ ve kabz eylediği ma‘lûmü’l-vezn dakīk semeninden iki yüz seksen beş guruş hakkımızın yüz elli guruşunu emrimiz ile gāib ani’l-meclis Çavuşzâde İbrahim Efendi’ye def‘ ve teslîm edip yüz otuz beş guruş hakkımız zimmetinde bâkī kalmağla meblağ-ı bâkī-yi mezbûru mesfûr Sahtin zimmetinden taleb ederiz deyü tasaddî eylediğimiz da‘vâmızdan tavassut-ı muslihîn ile yüz on beş guruş bedel-i makbûza sulh olup mâ‘adâsına müte‘allıka ve târîh-i i‘lâma gelince âmme-i da‘vâdan her birimiz âharın zimmetini ibrâ ve ıskāt eyledik deyü ikrârları ba‘de’t-tasdîk tescîl ve huzûr-ı âlîlerine i‘lâm olundu. Fî 28 min-Muharrem sene 1153.