Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 462 Hüküm no: 571 Orijinal metin no: [71b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Anaştaş’ın tekneciler esnafının işlerine karışmaması Bâ-mühr-i efendi Ma‘rûz Mahmiye-i İstanbul’da Zindankapısı hâricinde vâki‘ tekneciler kethüdâsı Süleyman b. Mehmed ve hizmet-i mezbûreden el-Hâc Ali b. (°) ve Mehmed ve Mustafa ve sâir cerîdede mazbûtü’l-esâmî kimesneler meclis-i şer‘de Ayazmakapısı hâricinde hurdacı tâifesinden Anaştaş v. Bünyad nâm zimmî muvâcehesinde kadîmü’l-eyyâmdan bu âna gelince işbu yedimizde olan fermân-ı âlî mûcebince küfe ve kürek ve ıhlamurun bey‘ ü şirâsı bize mahsûs olup âharın kat‘â alâka ve medhali yoğiken mesfûr Anaştaş hilâf-ı emr-i âlî hareket ve nizâmımıza halel verir deyü teşekkî ve mazmûnu takrîr-i meşrûhlarına muvâfık emr-i âlî ibrâz eylediklerinde mesfûr Anaştaş’a hilâf-ı emr-i âlî hareket etmemek üzere muhkem tenbîh olunduğu huzûr-ı âlîlerine i‘lâm olundu. Fî 29 min-Muharremi’l-harâm sene 1153.