Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 464 Hüküm no: 576 Orijinal metin no: [72a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emetullah’ın cariyesi olup Acem asıllı olmadığını itiraf ettiği Rıkk-ı sâbıkını mu‘terife olup ber-vech-i âtî da‘vâya me’zûne olan orta boylu, çatık kaşlı, kara gözlü Hadîce bt. Abdullah meclis-i şer‘de Emetullah bt. Mustafa b. Abdullah nâm hatunun vekîl-i sâbitü’l-vekâlesi Ahmed Ağa mahzarında müvekkile-i mezbûre Emetullah Hatun bana Gürciyyetü’l-asl câriye-i memlûkesi olmak üzere vaz‘-ı yed edip lâkin beni ba‘zı nisvân tâifesi idlâl ve iğvâ etmeleriyle Acemiyyetü’l-aslım deyü da‘vâ sadedinde olmuş idim, el-hâletü hâzihi da‘vâ-yı mezkûremden bi’l-külliye rücû‘ edip da‘vâ-yı mezkûremde kâzibe olmam ile ben müvekkile-i mezbûrenin kemâ-kân Gürciyyetü’l-asl câriye-i memlûkesiyim deyü ikrâr ve i‘tirâf eylediği Mahkeme-i Bâb’da tescîl ve huzûr-ı âlîlerine i‘lâm olundu. Fî-gurrei Safer sene 1153.