Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 468 Hüküm no: 582 Orijinal metin no: [72b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nazlı’nın Yasef’e olan borcunu Musa Ağa’ya havale ettiğine dair Yasef’in iddiasının ispatlanamadığı Ma‘rûz Dîvân-ı âlî çavuşlarından Osman Çavuş mübâşeretiyle Mahkeme-i Bâb’da ihzâr olunan Musa Ağa’nın hasmı Yasef nâm zimmî meclis-i şer‘de mezbûr Musa Ağa mahzarında gāibetü ani’l-meclis Nazlı bt. Yovan nâm Nasrâniye zimmetinde cihet-i deyn-i şer‘îden yirmi guruş hakkım olup gāibe-i mezbûrenin dahi mezbûr Musa Ağa zimmetinde kakum kürk semeninden yirmi guruş hakkı olmağla târîh-i i‘lâmdan bir buçuk sene mukaddem üçümüz bir meclisde iken havâle-i sahîha-i şer‘iyye ile havâle ben dahi ba‘de’l-kabûl hâlâ meblağ-ı mezbûru mezbûr Musa Ağa’dan taleb ederim deyü ba‘de’d-da‘vâ ve’l-inkâr müdde‘î-i merkūm müdde‘âsını beyâna kādir olmayıp tahlîfe dahi tâlib olmamağla mezbûr Musa Ağa ba‘de’t-tahlîfi’ş-şer‘î mûcebince müdde‘î-i merkūm Yasef zimmî bilâ-beyyine bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 2 S sene 1153.