Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 470 Hüküm no: 586 Orijinal metin no: [72b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman Efendi’nin Feyzullah Çelebi’ye olan borcunu ödemesi Ma‘rûz Sâhib-i arzuhâl Feyzullah bi’t-terâzi Bâb Mahkemesi’nde meclis-i şer‘de es-Seyyid Süleyman Efendi muvâcehesinde mezbûr Feyzullah Çelebi’nin mezbûr es-Seyyid Süleyman Efendi zimmetinde câriye semeni üç yüz otuz guruşdan bâkī iki yüz on dört guruş ve ber-mûceb-i temessük cihet-i karzdan yüz on guruş hakkı olduğu ikrârıyla sâbit oldukdan sonra meblağ-ı mezbûrun ribâsı? olmak üzere beynlerinde münâza‘ün-fîh olan seksen altı guruşu tavassut-ı muslihîn ile kırk guruşa sulh olmağın mûcebince meblağ-ı mecmû‘-ı mezkûr üç yüz altmış dört guruşu mezbûr Feyzullah Çelebi’ye edâya ve teslîme es-Seyyid Süleyman Efendi’ye tenbîh olunduğu tescîl olunmuşdur. Fî 4 S sene 1153.