Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 470 Hüküm no: 587 Orijinal metin no: [72b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hatun’dan boşanmış olan Mumcu Mehmed’in çocuklarına ait birikmiş nafakayı ödemesi Ma‘rûz Zâtı ta‘rîf-i şer‘î ile mu‘arrefe olan Âişe nâm hatun Bâb Mahkemesi’nde Mumcu Mehmed Beşe mübâşeretiyle meclis-i şer‘a ihzâr ettirdiği zevc-i sâbıkı el-Hâc Mehmed nâm kimesne mahzarında işbu sagīr evlâdlarım es-Seyyid Süleyman ve Şerife Emine’nin nafaka ve kisveleri’çün kıbel-i şer‘den bâ-hüccet takdîr olunan nafaka-i mefrûzalarından târîh-i i‘lâm şehri gurresine gelince on beş ayda mezbûr el-Hâc Mehmed zimmetinde müctemi‘ olan kırk beş guruşun yirmi dört guruşunu yedinden ba‘de’l-kabz yirmi bir guruşu bâkī kalmağla meblağ-ı bâkī-yi mezbûru taleb ederim deyü ba‘de’d-da‘vâ mezbûr el-Hâc Mehmed müdde‘iye-i mezbûrenin kabzını [73a] mu‘terife olduğu meblağ-ı mezbûrdan mâ‘adâ üç guruş dahi kendüye teslîm edip zimmetimde ancak on sekiz guruş müctemi‘ olduğunu edâya mezbûr el-Hâc Mehmed’e ba‘de’t-tenbîh üç guruş ziyâde def‘ini mezbûr el-Hâc Mehmed beyâna havâle olunduğu huzûr-ı âlîlerine i‘lâm olundu. Fî 4 Safer sene 1153.