Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 473 Hüküm no: 593 Orijinal metin no: [73a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Matos ve ortaklarının Saatin v. Bağdasar’daki un ücretinden alacakları konusunda sulh sağlandığı Ma‘rûz Sâhib-i arzuhâl Matos zimmî kendiden asâleten ve şerîki gāibûn ani’l-meclis Tomas ve Kasber ve Haçador’un vekîl-i müseccelleri olmağın vekâleten bi’t-terâzi Mahkeme-i Bâb’da meclis-i şer‘de derûn-ı arzuhâlde mezkûrü’l-ism Saatin v. Bağdasar zimmî muvâcehesinde derûn-ı arzuhâlde mastûr iki yüz seksen dokuz buçuk keyl dakīk semeni olan iki yüz kırk iki guruşdan mukaddemâ yetmiş guruşunu yedinden ba‘de’l-kabz yüz yetmiş iki guruşu zimmetinde bâkī kalmış idi, el-hâletü hâzihi meblağ-ı bâkī-yi mezbûru tavassut-ı muslihîn ile elli guruş bedel-i makbûza mersûm Saatin ile an-inkâr asâleten ve vekâleten sulh olup mâ‘adâsına ve târîh-i i‘lâma gelince sâir hukūk-ı ma‘lûme ve mechûleye müte‘allıka âmme-i de‘âvîden her birimiz âharın zimmetini asâleten ve vekâleten ibrâ ve ıskāt eyledik deyü takrîri ba‘de’t-tasdîk huzûr-ı âlîlerine i‘lâm olundu. Fî 5 S sene 1153.