Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 473 Hüküm no: 594 Orijinal metin no: [73a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kazzaz Vasil’in bezzazistanda kiraladığı dükkâna Süleyman’ın müdahale etmemesi Ma‘rûz Kazzâz tâifesinden Vasil nâm zimmî meclis-i şer‘de tâife-i mezbûreden el-Hâc Süleyman nâm kimesne muvâcehesinde mahmiye-i İstanbul’da Bezzâzistân kurbünde vâki‘ bir bâb kazzâz dükkânı sâhibinden işbu temessük mantûkunca istîcâr ve tesellüm edip hâlâ taht-ı tasarrufumda iken mezbûr el-Hâc Süleyman dükkân-ı mezbûra bi-gayr-ı vechin mu‘âraza ve müdâhale eder men‘ ü def‘ olunmak matlûbumdur dedikde mezbûr el-Hâc Süleyman dahi husûs-ı mezbûr mesfûr Vasil’in takrîr-i meşrûhu üzere olduğunu bi’t-tav‘i’s-sâf ikrâr ve i‘tirâf etmeğin mûcebince mezbûr el-Hâc Süleyman dükkân-ı mezbûra bi-gayr-ı vechin müdâhaleden men‘ olunduğu huzûr-ı âlîlerine i‘lâm olundu. Fî 5 S sene 1153.