Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 473 Hüküm no: 595 Orijinal metin no: [73a-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Efendi’nin Keresteci Ali ve Marat’a olan borcunu taksitle ödeyeceği Ma‘rûz Muhzır Ali mübâşeretiyle Bâb Mahkemesi’nde meclis-i şer‘a ihzâr olunan İmâm Mehmed Efendi’den keresteci el-Hâc Ali nâm kimesne ve şerîki Marat zimmî mezbûr Mehmed Efendi zimmetinde yedimizden iştirâ ve kabz eylediği beynimizde ma‘lûm kereste semeninden kırk bir guruş hakkımız olmağla taleb ederiz deyü da‘vâ eylediklerinde ol dahi ber-vech-i muharrer deyni olduğunu ikrâr edip lâkin hâlâ ve def‘aten edâya iktidârım yokdur deyü tecîle tâlib olduğundan onlar dahi beher mâh kendülere on guruş verip târîh-i i‘lâmdan yüz yirmi üç gün tamâmına değin edâ etmek üzere mezbûre Mehmed Efendi’yi tecîl ve taksît eylediklerinde ol dahi kabûl ve vech-i muharrer üzere meblağ-ı mezbûru müdde‘iyân-ı mezbûrâna edâya ta‘ahhüd eylediği huzûr-ı âlîlerine i‘lâm olundu. Fî 6 M sene 1153.