Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 474 Hüküm no: 596 Orijinal metin no: [73b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Râbia Hatun’un eşi Memiş’ten muhâlaa yoluyla boşandığı Ma‘rûz Sâhib-i arzuhâl Râbia Hatun zâtı ba‘de’t-ta‘rîf meclis-i şer‘de zevc-i dâhili Memiş nâm kimesne ile iki bin akçe mehr-i müecceli ve nafaka-i iddeti üzerlerine ve me’ûnet-i süknâsı kendi dahi üzerine olmak üzere vech-i şer‘î üzere hul‘ oldukda mezbûr Memiş dahi ber-vech-i muharrer hul‘-i mezbûru ba‘de’l-kabûl hukūk-ı zevciyete müte‘allıka âmme-i da‘vâdan her biri âharın zimmetini ibrâ ve tasdîk eyledikleri Mahkeme-i Bâb’da tescîl ve huzûr-ı âlîlerine i‘lâm olundu. Fî 6 S sene 1153.