Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 484 Hüküm no: 618 Orijinal metin no: [74b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail ile ondan boşanan Hatem arasındaki mehir davasında sulh sağlandığı Ma‘rûz Muhzır es-Seyyid Ali mübâşeretiyle Bâb Mahkemesi’ne ihzâr olunan İsmail nâm Kıbtî’nin hasmı Hatem nâm Kıbtiye zâtı ta‘rîf-i şer‘î ile mu‘arrefe oldukdan sonra meclis-i şer‘de mezbûr İsmail muvâcehesinde mezbûr İsmail zevcim olup bundan akdem beni bâyinen tatlîk etmekle zimmetinde mütekarrer ve ma‘kūdün-aleyh olan altı bin akçe mehr-i müeccelim ve nafaka-i iddet-i mu‘ayyene-i ma‘lûmem ve me’ûnet-i süknâmı mezbûrdan taleb ve da‘vâ sadedinde iken tavassut-ı muslihîn ile otuz beş guruş bedel-i makbûza mezbûr İsmail ile sulh, husûs-ı mezkûra müte‘allıka âmme-i da‘vâdan her birimiz âharın zimmetini ibrâ ve ıskāt eyledik deyü ikrârı ba‘de’t-tasdîk tescîl olunduğu huzûr-ı âlîlerine i‘lâm olundu. Fî 13 S sene 1153.