Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 486 Hüküm no: 623 Orijinal metin no: [75a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail Ağa ve Kara İbrahim’in Mahmud Ağa’daki alacaklarını nafakadan tahsil edemeyeceği Bâ-mühr-i efendi Ma‘rûz Serdengeçdi ağalarından İsmail Ağa ve Kara İbrahim nâm kimesneler sâhibe-i arzuhâl Hadîce muvâcehesinde mezbûrenin zevci olup derûn-ı arzuhâlde mastûrü’l-ism gāib ani’l-beled Serdengeçdi Ağası Mahmud Ağa zimmetinde cihet-i şer‘iyyeden ikimizin yetmiş guruş hakkımız olup mezbûre Hadîce kendi ve evlâd-ı sıgārının nafakaları’çün zevci mezbûr Mahmud Ağa’nın bu tarafda ulûfesini zabt murâd eder hâlâ zikr olunan hakkımızı ulûfe-i mezbûreden taleb ederiz deyü eyledikleri da‘vâda hasm-ı şer‘îsi olmamağla men‘ olundukları huzûr-ı âlîlerine i‘lâm olundu. Fî 16 S sene 1153.