Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 487 Hüküm no: 625 Orijinal metin no: [75a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Apostol’un Mustafa Ağa’daki alacağı konusunda anlaşma sağlandığı Ma‘rûz Sâhib-i arzuhâl Apostol zimmî Mahkeme-i Bâb’da meclis-i şer‘de derûn-ı arzuhâlde mezkûrü’l-ism Alemîoğlu Mustafa Ağa mahzarında mezbûr Mustafa Ağa’dan derûn-ı arzuhâlde mezkûr tasaddî eylediği altı yüz kırk üç guruş da‘vâsından tavassut-ı muslihîn ile seksen guruş bedel-i makbûza sulh olup ve zeytin bahçesini dahi es-Seyyid Süleyman Efendi’ye altmış guruşa bey‘ ve temlîk ol dahi iştirâ ve temellük eyleyip cem‘an yekûn yüz kırk guruşa beynlerini ıslâh olundukdan sonra mâ‘adâsına müte‘allıka âmme-i da‘vâdan her biri âharın zimmetini ibrâ ve ıskāt edip kat‘-ı nizâ‘ eyledik deyü mesfûr Apostol zimmînin ikrârı ba‘de’t-tasdîk tescîl ve huzûr-ı âlîlerine i‘lâm olundu. Fî 17 S sene 1153.