Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 488 Hüküm no: 628 Orijinal metin no: [75a-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kemel ve Mayer’in Mıgırdıç’a olan borcunu ödemesi Bâ-mühr-i efendi Ma‘rûz Sâhib-i arzuhâl Mıgırdıç v. Azar nâm zimmî meclis-i şer‘de derûn-ı arzuhâlde mastûrü’l-ism Sarrâf Kemel v. Ellez nâm Yahûdi bundan akdem mesfûr Kemel ile li-ebeveyn er karındaşı gāib ani’l-meclis Mayer nâm Yahûdilere mâlımdan iki bin üç yüz kırk dört guruş ikrâz ve teslîm onlar dahi istikrâz ve tesellüm ve her biri âharın zimmetine lâzım gelen meblağa kefâlet-i sahîha-i şer‘iyye ile kefîl ve zâmin olmuşlar idi, el-hâletü hâzihi meblağ-ı mezbûr iki bin üç yüz kırk dört guruşu asâleten ve kefâletine binâen mesfûr Kemel’den taleb ederim deyü da‘vâ ol dahi ikrâr etmeğin mûcebince meblağ-ı mezbûr iki bin üç yüz kırk dört guruşu asâleten ve kefâleten edâsına mesfûr Kemel’e tenbîh olunduğu huzûr-ı âlîlerine i‘lâm olundu. Fî 15 S 1153.