Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 499 Hüküm no: 651 Orijinal metin no: [76b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Topal Mehmed’in üvey oğlu Mehmed’e açtığı davadan vazgeçtikten sonra hanımı Emine’den boşandığı Ma‘rûz Sâhib-i arzuhâl Mehmed bi’t-terâzi Mahkeme-i Bâb’da meclis-i şer‘de derûn-ı arzuhâlde mezkûr üvey babası Topal Mehmed’den arzuhâlinde tasrîh olunduğu üzere tasaddî eylediği da‘vâsından meccânen fâriğ olup âmme-i da‘vâdan her biri âharı ibrâ eyledikleri tescîl olundukdan sonra merkūm Mehmed’in vâlidesi ve zâtı ta‘rîf-i şer‘î ile mu‘arrefe olan Emine Hatun zevc-i mezbûr Topal Mehmed’den ber-mûceb-i defter-i müfredât iki yüz guruş kıymetli eşyâ-i ma‘lûme da‘vâsından tavassut-ı muslihîn ile otuz guruş bedel-i makbûza mezbûr Topal Mehmed ile ba‘de’s-sulh mezbûr Mehmed’in zimmetinde mütekarrer ve ma‘kūdün-aleyh olan bin iki yüz akçe mehr-i müeccelini mezbûrun yedinden ahz u kabz edip nafaka-i iddeti ve me’ûnet-i süknâsı üzerlerine mezbûr Topal Mehmed ile ber-nehc-i şer‘î hul‘ oldukda ol dahi ber-vech-i muharrer hul‘-i mezkûru kabûl eyleyip hukūk-ı zevciyete ve târîh-i i‘lâma gelince sâir hukūk-ı ma‘lûme ve mechûleye müte‘allıka âmme-i da‘vâdan her biri âharın zimmetini ibrâ ve ıskāt eyledikleri huzûr-ı âlîlerine i‘lâm olundu. Fî 21 S sene 1153.