Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 500 Hüküm no: 653 Orijinal metin no: [77a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mirzad ve İsmail’in kendilerine bazı eşyaları almak üzere para verdikleri Şahin’in eşyaları alarak teslim ettiği Bâ-mühr-i efendi Ma‘rûz Sâhib-i arzuhâl Haleb tüccârından Mirzad ve el-Hâc İsmail meclis-i şer‘de yine tüccârdan Şahin nâm zimmî muvâcehesinde bundan akdem beynimizde ma‘lûm bir husûs için mesfûr Şahin’e def‘ ve teslîm eylediğim nakid altı yüz guruş ile ber-mûceb-i defter-i müfredât her birinin ecnâs ve envâ‘ ve kıymeti beynimizde ma‘lûm eşyâ ve emti‘a-i mu‘ayyenemi hâlâ mesfûr Şahin bana bi’t-tamâm def‘ ü teslîm ben dahi yedinden ahz u kabz edip husûs-ı mezbûra ve işbu târîh-i i‘lâma gelince beynimizde cereyân eden cemî‘ mu‘âmelât-ı şettâya müte‘allıka âmme-i da‘vâdan her birimiz âharın zimmetini ibrâ ve ıskāt eyledik deyü ikrâr ve mesfûr Şahin tasdîk edip kat‘-ı nizâ‘ eyledikleri ba‘de’t-tescîl huzûr-ı âlîlerine i‘lâm olundu. Fî 22 S sene 1153.