Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 505 Hüküm no: 662 Orijinal metin no: [77b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed’in borcuna kefil olan diğer Mehmed’in borcu Abdürrezzak’a ödemesi Derûn-ı i‘lâmda mezkûrü’l-ism el-Hâc Mehmed meclis-i şer‘de hasmı es-Seyyid Mehmed muvâcehesinde bâlâ-yı derkenârda mezkûr el-Hâc Abdürrezzak zimmetinde cihet-i deyn-i şer‘îden mahkûmun-bih olan altmış guruş hakkımı beher mâh ikişer buçuk guruşu vermek üzere elli iki senesi Rebî‘ülevvelinin üçüncü günü tecîl ve taksît edip meblağ-ı mukassata mezbûr es-Seyyid Mehmed kefîl olmağla işbu târîh-i i‘lâm şehri hitâmına gelince meblağ-ı mukassat-ı mezbûrdan bir senede müctemi‘ otuz guruşun on buçuk guruşunu merkūm Abdürrezzak’dan ahz bâkī on dokuz buçuk guruşu mezbûr es-Seyyid Mehmed’den kefâlet-i mezkûresine binâen taleb ederim deyü ba‘de’d-da‘vâ ve’l-inkâr müdde‘î-i mezbûr müdde‘âsını iki nefer şâhid-i âdil ile isbât etmeğin mûcebince meblağ-ı mezbûr on dokuz buçuk guruşun edâsıyla mezbûr es-Seyyid Mehmed ilzâm olunmuşdur. Fî 25 S sene 1153.