Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 507 Hüküm no: 668 Orijinal metin no: [78a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yako’nun Yasef’ten aldığı borca karşılık bir çift altın bilezik rehin verdiğini ispatlayamadığı Bâ-mühr-i efendi Ma‘rûz Yako v. Aron nâm Yahûdi meclis-i şer‘de Yasef v. Menahim nâm Yahûdi muvâcehesinde bundan akdem mesfûr Yasef’den yüz üç guruş istikrâz ve kabz ve mukābelesinde kırk yedi buçuk guruş kıymetli on miskāl bir çift altın bileziğimi rehin vaz‘ ve teslîm eylediğimden sonra meblağ-ı mezbûrun yetmiş guruşunu mesfûra edâ edip otuz üç guruş deynim bâkī kalmış idi, hâlâ meblağ-ı bâkī-yi mezbûru edâ ve rehn-i mezkûru taleb ederim deyü da‘vâ ol dahi cevâbında müdde‘î-i merkūmdan takrîr-i meşrûhu üzere ancak yetmiş guruş kabzını ikrâr rehn-i mezkûru ba‘de’l-inkâr müdde‘î-i mezbûr müdde‘âsını isbâta kādir olmayıp tahlîfe dahi tâlib olmamağla bî-vech mu‘ârazadan ba‘de’l-men‘ mesfûr Yako’ya kabzını ikrâr eylediği yüz guruşdan bâkī otuz üç guruş deynini dahi merkūm Yasef’e edâya tenbîh olunduğu huzûr-ı âlîlerine i‘lâm olundu. Fî 25 S sene 1153.