Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 510 Hüküm no: 674 Orijinal metin no: [78b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Edirne’ye giden Rukiye ve kayınvalidesine İstanbul’a giriş için izin verilmesi Bâ-mühr-i efendi Ma‘rûz Mahmiye-i İstanbul’da Şehsuvar Bey mahallesi İmâmı Abdülbaki Efendi ve Müezzin İbrahim Halîfe ve ahâlîden Mustafa ve Abdullah Ağa’ya ve Mehmed Çelebi ve sâir cerîdede mazbûtü’l-esâmî kimesneler meclis-i şer‘de sâhib-i arzuhâl Bostânî Mustafa Bey zevcesi Rukiye ve kayınvâlidesi Havva mahallemiz sâkinelerinden olup târîh-i i‘lâmdan dört ay mukaddem mîrâs husûsu için mahrûse-i Edirne’ye gitmişler idi hâlâ ba‘de itmâmi’l-maslahat avdet murâd eylediklerinde harem ile mahmiye-i mezbûreye duhûl bâ-fermân-ı âlî memnû‘ olmağla meks etmişler deyü ihbâr ve mezbûretân Rukiye ve Havva’nın Âsitâne-i sa‘âdete nakline mümâna‘at olunmamak üzere fermân-ı âlî iltimâs eyledikleri huzûr-ı âlîlerine i‘lâm olundu. Fî 29 S sene 1153.