Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 513 Hüküm no: 681 Orijinal metin no: [79a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ortaklığın feshinden sonra fırında hak iddiasının meşru olmadığı Ma‘rûz Arzuhâl eden Kolo zimmî meclis-i şer‘de Dırağman çarşısında vâki‘ ekmekçi fırınında müste’cir olup bundan akdem fevt olan Hasan Usta’nın zevcesi ve evlâd-ı sıgārının vasîleri olan Rukiye Hatun muvâcehesinde ben müteveffâ-yı mezbûr Hasan Usta ile hayâtında fırın-ı mezkûrda müste’cir ve şerîk olup ba‘de vefâtihî şirket münfesih oldukda ben vilâyetime gidip şimdi geldiğimde fırın-ı mezkûr mezbûre Rukiye Hatun’un taht-ı icâresinde olmağla hâlâ fırın-ı mezkûra girip mezbûre Rukiye ile müste’cir olmak murâd eylediğimde bana mümâna‘at eder deyü tasaddî eylediği da‘vâsında takrîr-i meşrûhu üzere hasmı mezbûre Rukiye Hatun’a suâl teveccüh etmeyip mesfûr Kolo zimmî bî-vech mu‘ârazadan men‘ olunduğu huzûr-ı âlîlerine i‘lâm olundu. Fî-gurreti Rebî‘ülevvel sene 1153.