Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 514 Hüküm no: 682 Orijinal metin no: [79a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden İbrahim’in kayığında çalışan Ömer Beşe’ye açılan davada sulh olduğu Ma‘rûz Mumcu Mehmed mübâşeretiyle Bâb Mahkemesi’ne ihzâr olunan Ömer Beşe’nin hasmı Emine bt. Abdullah nâm hatun zâtı ba‘de’t-ta‘rîfi’ş-şer‘î meclis-i şer‘de mezbûr Ömer Beşe muvâcehesinde oğlum müteveffâ İbrahim’in piyâde kayığını beher şehr birer buçuk guruş ücret kavliyle iki buçuk sene kayığında Kayıkcılık etmekle müddet-i mezkûrede müctemi‘ olan kırk beş guruşdan südüs hissemi taleb ederim deyü tasaddî eylediğim da‘vâmdan tavussut-ı muslihîn ile beş guruş bedel-i makbûza sulh olup mâ‘adâsına müte‘allıka da‘vâdan her birimiz âharın zimmetini ibrâ ve ıskāt eyledik deyü ikrârı ba‘de’t-tasdîk tescîl ve huzûr-ı âlîlerine i‘lâm olundu. Fî-gurreti Rebî‘ülevvel sene 1153.