Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 515 Hüküm no: 684 Orijinal metin no: [79a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Molla Veli’nin, Molla Mahmud aleyhine açtığı eşya davasını ispatlayamadığı Ma‘rûz Derûn-ı arzuhâlde mezkûr Molla Veli Mahkeme-i Bâb’da meclis-i şer‘de sâhib-i arzuhâl Molla Mahmud’dan arzuhâlde mezkûr tasaddî eylediği eşyâ-i ma‘lûme da‘vâsında mezbûr Molla Mahmud münkir olmağın müdde‘î-i merkūm Molla Veli müdde‘âsını beyân için bi’d-defa‘ât imhâl olundukda her def‘ada müddet-i mehil tamâm olup bir vechile beyâna kādir olmayıp bi’t-taleb mezbûr Molla Mahmud tahlîf-i şer‘î birle tahlîf olunmağın mûcebince müdde‘î-i mezbûr Molla Veli bilâ-beyyine bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 2 Ra sene 1153.