Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 517 Hüküm no: 690 Orijinal metin no: [79b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil’in Ahmed’e olan borcundan kalan kısmı ödemesi Ma‘rûz Mumcu Ali Beşe mübâşeretiyle Bâb Mahkemesi’nde meclis-i şer‘a ihzâr olunan es-Seyyid Halil’den hasmı Ahmed mezbûr es-Seyyid Halil zimmetinde işbu yedime verdiği temessük mantûkunca cihet-i karzdan iki yüz altmış dört guruş hakkım olmağla taleb ederim deyü da‘vâ ol dahi ikrâr lâkin meblağ-ı mezbûrdan bi’d-defa‘ât doksan bir buçuk guruşunu târîh-i i‘lâm senesi Muharremi evâsıtında kendüye def‘ ü teslîm eyledim deyü ba‘de’d-def‘ müdde‘î-i mezbûr istintâk olundukda inkâr etmeğin ikrârı mertebesi olan meblağ-ı mezbûr yüz yetmiş bir buçuk guruşu müdde‘î-i mezbûr Ahmed’e edâ ve teslîme mezbûr es-Seyyid Halil’e tenbîh olunup def‘-i mezkûrunu beyâna havâle olunduğu huzûr-ı âlîlerine i‘lâm olundu. Fî 4 R sene 1153.