Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 518 Hüküm no: 692 Orijinal metin no: [80a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kapıcı Dede Vakfı’na ait evin üçte bir hissesi Fatıma’ya kiraya verilmiş olduğu Bâ-mühr-i efendi Ma‘rûz Derûn-ı arzuhâlde mezkûrü’l-ism Halil nâm kimesne Dîvân-ı hazret-i sadrazamîde ma‘kūd-ı meclis-i şer‘de sâhibe-i arzuhâl Fâtıma tarafından sâbitü’l-vekâle vekîli Şeyh Abdullah Efendi mahzarında medîne-i Üsküdar’da merhûm Kapıcı Dede nâm sâhibü’l-hayrın vakfı mütevellîsi Mehmed Dede hâzır olduğu halde vakf-ı mezbûrdan olup medîne-i mezbûre mahallâtından Mahmud Efendi mahallesinde vâki‘ ma‘lûmü’l-hudûd menzilin sülüsânı benim ve sülüs-i âharı zevcem Âişe nâm hatunun tasarrufunda olmağla mezbûre sülüs hissesini hayâtında bâ-ma‘rifet-i mütevellî-yi mezbûr mahlûldür deyü hisse-i mezbûreyi işbu Fâtıma’ya îcâr etmekle suâl olunup kasr-ı yedine tenbîh olunmak matlûbumdur deyü da‘vâ ol dahi cevâbında müteveffât-ı mezbûre Âişe menzil-i mezkûrda olan sülüs hissesini vefâtından dört gün mukaddem maraz-ı mevtinde ferâgat edip ferâğ-ı mezbûr şer‘an mu‘teber olmamağla mütevellî-yi mezbûr ber-mûceb-i fetvâ-i şerîfe merkūme Fâtıma’ya bi’t-tevliye îcâr eyledi deyücek merkūm Halil dahi hakīkat-i hâl vekîl-i mezbûrun takrîr-i meşrûhu üzere olduğunu bi-tav‘ihî ikrâr ve i‘tirâf etmeğin alâ-mûcib-i ikrârihî mezbûr Halil bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 28 S sene 1153.