Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 520 Hüküm no: 695 Orijinal metin no: [80a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hamamcı Mehmed ve Hasan Beşe’nin aldıkları eşyanın parasını ödedikleri Ma‘rûz İstanbul’da Hoşkadem mahallesinde sâkin sâhib-i arzuhâl Mustafa Beşe ve Ahmed Balat Hamamcısı Mehmed Ağa ile destgâhdârı Hasan Beşe b. Mehmed’den dört sene mukaddem mezbûrân Mehmed Ağa ile Hasan Beşe’ye beynimizde ma‘lûm bey‘ ve teslîm eylediğim peştemâl ve makrama ve sâir hamam esvâbı semeninden zimmetlerinde yirmi sekiz buçuk guruş hakkım bâkī kalmağla taleb ederim deyü da‘vâ mezbûrân dahi mezbûr Mustafa ile târîh-i merkūmdan altı ay sonra hamâm-ı merkūmda hesâb görüp tamâmen zimmetimizde olan hakkını mezbûr Mustafa Beşe’ye ba‘de’t-teslîm zimmetlerimizi âmme-i da‘vâdan ibrâ eyledi deyü def‘ ve def‘-i mezkûrlarını İmâm Mehmed Efendi b. Hüseyin ve Müezzin Abdi Çelebi b. Mehmed ve Mehmed Çelebi b. Ömer ve Müezzin Osman Halîfe b. Ahmed şehâdetleriyle ba‘de’l-isbât ve’t-ta‘dîl ve’l-kabûl mûcebince mezbûr Mustafa Beşe mezbûrân Mehmed Ağa ve Hasan Beşe’ye mu‘ârazadan men‘ olunduğu Bâb Mahkemesi’nde tescîl ve huzûr-ı âlîlerine i‘lâm olundu. Fî 3 Ra sene 1153.