Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 522 Hüküm no: 699 Orijinal metin no: [80b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Peraşkeve’nin evindeki tahtapuşun komşusunun evine zararı olan kısmını yıkacağı Ma‘rûz Sâhib-i arzuhâl Dardor zimmînin hasmı Kuyumcu Peraşkeve zimmî meclis-i şer‘de mezbûr Dardor zimmî muvâcehesinde Kiremid mahallesinde vâki‘ menzilinde binâ eylediği tahta-pûşundan mezbûr Dardor’un menzilinin makarr-ı nisvân olan mahalle havâlesi olmağla tavassut-ı muslihîn ile havâlesini def‘ için mezbûrun tarafından zikr olunan tahta-pûşunun nısf zirâ‘ını kat‘ etmek üzere Peraşkeve ta‘ahhüd ettikde mezbûr Dardor dahi râzı olup bu vechile kat‘-ı nizâ‘ eyledikleri huzûr-ı âlîlerine i‘lâm olundu. Fî 7 Ra sene 1153.