Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 523 Hüküm no: 700 Orijinal metin no: [80b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsayi’nin Agob’dan aldığı borca karşılık verdiği altın bileklikle alakalı davadan vazgeçtiği Ma‘rûz Muhzır Mustafa mübâşeretiyle Bâb Mahkemesi’ne ihzâr olunan İsayi zimmîden hasmı Agob zimmî meclis-i şer‘de mezbûr İsayi zimmîye bundan akdem yedinden istidâne ve kabz eylediğim on üç guruş mukābelesinde elli guruş kıymetli on miskāl bir tek altın bilezik bi-tarîkı’r-rehin vaz‘ etmiş idim hâlâ meblağ-ı mezbûru edâ etmemle zikr olunan bileziği mezbûrdan taleb ederim deyü tasaddî eylediği da‘vâsından tavassut-ı muslihîn ile meccânen fâriğ olup husûs-ı merkūma ve sâir hukūk-ı ma‘lûm ve mechûle müte‘allıka âmme-i da‘vâdan mezbûr İsayi zimmînin zimmetini ibrâ ve ıskāt ettikde ol dahi ba‘de’l-kabûl mezfûr Agob’un anası hâzıra bi’l-meclis Saltana Nasrâniye’den mezbûr İsayi zimmînin müdde‘âsı olan on beş guruşdan meccânen fâriğ olup husûs-ı merkūma ve sâir hukūka müte‘allıka âmme-i da‘vâdan mesfûrenin ve oğlu mesfûr Agob’un zimmetlerini ibrâ ve ıskāt edip kat‘-ı nizâ‘ eyledikleri tescîl olunmuşdur. Fî 6 Ra sene 1153.