Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 523 Hüküm no: 701 Orijinal metin no: [80b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sürücüler kethüdalığına İsmail’in tayin edildiği Ma‘rûz Sürücü hırfetinden ashâb-ı arzuhâl otuz nefer müseccelü’l-esâmî kimesneler Bâb Mahkemesi’nde meclis-i şer‘de kethüdâları olan el-Hâc Mustafa b. Ömer muvâcehesinde mezbûr el-Hâc Mustafa’nın evzâ‘ ve etvârından hoşnûd olmayıp dâimâ bi-gayr-ı hakkın bizi tecrîm ve ta‘cîz etmekle mezbûr def‘ olunup yerine hırfetimiz erbâbında muhtârımız olan işbu es-Seyyid el-Hâc İsmail b. es-Seyyid Ahmed üzerimize kıbel-i şer‘den kethüdâ nasb olunması matlûbumuzdur deyü bi’l-muvâcehe teşekkî ettiklerinde mezbûr el-Hâc Mustafa dahi kethüdâlık-ı mezbûru kendi hüsn ü rızâ ve ihtiyârlarıyla merkūm es-Seyyid el-Hâc İsmail’e kasr-ı yedinden hırfet-i mezbûre erbâbı üzerlerine merkūm es-Seyyid el-Hâc İsmail kethüdâ nasb u ta‘yîn olunduğu huzûr-ı âlîlerine i‘lâm olundu. Fî 7 Rebî‘ülevvel sene 1153.