Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 525 Hüküm no: 705 Orijinal metin no: [81a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hanımı Hatice’yi bıçakla yaralayan Ahmed’in hapsedilmesi Ma‘rûz Mumcu Mehmed Beşe mübâşeretiyle Bâb Mahkemesi’ne ihzâr olunan el-Hâc Ahmed’den zevce-i menkûhası Hadîce Hatun meclis-i şer‘de mezbûr el-Hâc Ahmed târîh-i i‘lâmdan bir gün mukaddem sâkin olduğu menzilinde beyne’s-salâteyn âlet-i cârihadan bıçak ile bi-gayr-ı hakkın amden sol dizimin bir yerinden darb ve cerh etmekle mûcib-i şer‘îsini mezbûr el-Hâc Ahmed’den taleb ederim deyü da‘vâ ettikde ol dahi ber-vech-i muharrer zevcesi müdde‘iye-i mezbûreyi bıçak ile sol dizinden darb ve cerh eylediğini ikrâr ve i‘tirâf etmeğin alâ-mûcib-i i‘tirâfihî cerh-i mezkûrun mûcib-i şer‘îsi ber’-i tâmmına tevkīf olunup mezbûr el-Hâc Ahmed’e habs ve ta‘zîr lâzım geldiği huzûr-ı âlîlerine i‘lâm olundu. Fî 7 Rebî‘ülevvel sene 1153.