Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 526 Hüküm no: 706 Orijinal metin no: [81a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rukiye’nin boşandığı kocası Mehmed ile mehir davasında anlaştığı Ma‘rûz Sâhibe-i arzuhâl Rukiye Hatun’un vekîl-i sâbitü’l-vekâlesi Mehmed Çelebi bi’t-terâzi Bâb Mahkemesi’nde meclis-i şer‘de müvekkile-i mezbûrenin zevc-i mutallıkı Mehmed b. Veli nâm kimesne muvâcehesinde taraf-ı şer‘den yedlerine i‘tâ olunan hüccet-i şer‘iyyede tafsîl olunduğu üzere on beş bin akçe mehr-i müeccel da‘vâsından tavassut-ı muslihîn ile elli guruş bedel-i makbûza sulh olup husûs-ı merkūma ve târîh-i i‘lâma gelince sâir hukūka müte‘allıka âmme-i da‘vâdan ahadühümâ âharın zimmetini asâleten ve vekâleten ibrâ ve ıskāt eyledikleri ba‘de’t-tescîl huzûr-ı âlîlerine i‘lâm olundu. Fî 7 Rebî‘ülevvel sene 1153.