Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 526 Hüküm no: 707 Orijinal metin no: [81b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saliha Hatun’un Mustafa Çelebi’de alacağı olduğunu ispatlayamadığı Ma‘rûz Mumcu İbrahim Beşe mübâşeretiyle Bâb Mahkemesi’ne ihzâr olunan Mustafa Çelebi’den hasmı Saliha Hatun zâtı ba‘de’t-ta‘rîf meclis-i şer‘de mezbûr Mustafa Çelebi zimmetinde bir re’s kır at bahâsından elli guruş ve cihet-i karzdan dahi on guruşluk dukat ki cem‘an altmış guruş hakkım olmağla taleb ederim deyü ba‘de’d-da‘vâ ve’l-inkâr müdde‘iye-i mezbûre ber-vech-i muharrer müdde‘âsını beyâna kādire olamayıp bi’t-taleb mezbûr Mustafa Çelebi’ye vech-i şer‘î üzere yemîn verilmeğin mûcebince müdde‘iye-i mezbûre Saliha bilâ-beyyine mu‘ârazadan ba‘de’l-men‘ mezbûre Saliha ile zevci Ömer mezbûr Mustafa Çelebi’den hakk-ı ta‘zîrimiz vardır deyü ba‘de’d-da‘vâ ve’l-inkâr bi’t-taleb mezbûr Mustafa tahlîf olunup mezbûrân Saliha ve Ömer bî-vech mu‘ârazadan men‘ olundukları huzûr-ı âlîlerine i‘lâm olundu. Fî 7 Rebî‘ülevvel sene 1153.