Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 526 Hüküm no: 708 Orijinal metin no: [81b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Ağa’nın tasarrufunda olan Söğüd’deki zeametini Ali Efendi’ye iltizama verdiği Ma‘rûz Zu‘amâdan derûn-ı arzuhâlde mezkûrü’l-ism Mehmed Ağa b. Ahmed Bâb Mahkemesi’nde meclis-i şer‘de sâhib-i arzuhâl el-Hâc Ali Efendi b. İbrahim mahzarında berât-ı şerîf-i âlîşân ile mutasarrıf olduğum ze‘âmetim mülhakātından olup Hüdavendigâr sancağında Söğüd kazâsına tâbi‘ Kin nâm karyenin ve Pelidbükü nâm mezra‘anın bin yüz elli iki senesi Martı ibtidâsından sene-i merkūme Şubat’ına değin a‘şâr-ı şer‘iyye ve sâir avâid ve fevâidden mezbûr el-Hâc Ali Efendi’nin yedine verdiğim temessük mantûkunca yüz yirmi guruş bedel-i makbûz mukābelesinde merkūm el-Hâc Ali Efendi’ye iltizâm eylediğimde ol dahi ber-vech-i muharrer iltizâm ve kabûl etmeğin zikr olunan Kin karyesi ve Pelidbükü mezra‘asının vech-i muharrer üzere merkūm el-Hâc Ali Efendi’nin zabtına tarafımdan ve taraf-ı âhardan kimesne kat‘an müdâhale etmemek üzere yedine hükm-i hümâyûn ihsân olunmak ricâsında olduğu huzûr-ı âlîlerine i‘lâm olundu. Fî 8 Rebî‘ülevvel sene 1153.