Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 527 Hüküm no: 709 Orijinal metin no: [81b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Efendi’nin vefat eden Mustafa’da olan alacağının terekeden ödenmesi Ma‘rûz Müteveffâ es-Seyyid el-Hâc Mustafa b. Ramazan b. Abdullah’ın evlâd-ı sıgārının vâlideleri ve vasiyeleri Emine Hatun meclis-i şer‘de Dazkırılı İmâm İbrahim Efendi ile mürâfa‘a-i şer‘ olduklarında sıgār-ı mezbûrun babaları müteveffâ-yı mezbûr es-Seyyid el-Hâc Mustafa’dan müntakil mâllarından ber-mûceb-i temessük mezbûr İbrahim Efendi zimmetinde cihet-i karzdan iki yüz guruş hakları olduğunu ba‘de’d-da‘vâ ve’l-inkâr vasiye-i mezbûre ber-vech-i muharrer müdde‘âsını lede’t-tezkiye adâletleri zâhir olan Osman b. el-Hâc Ömer ve Ali b. İbrahim şehâdetleriyle mezbûr İbrahim Efendi muvâcehesinde vech-i şer‘î üzere isbât etmeğin mûcebince meblağ-ı mezbûr iki yüz guruşun edâsıyla mezbûr İbrahim Efendi ilzâm olunduğu Mahkeme-i Bâb’da tescîl olunmuşdur. Fî 8 Ra sene 1153.