Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 528 Hüküm no: 711 Orijinal metin no: [81b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sirozlu Yanaki’nin kiraladığı bakkal dükkânına Angeli’nin müdahalede bulunmaması Bâ-mühr-i efendi Ma‘rûz Bakkāl tâifesinden Sirozlu Yanaki v. Tohar nâm zimmî meclis-i şer‘de tâife-i mezbûreden Angeli v. Sava nâm zimmî muvâcehesinde bundan akdem mahmiye-i İstanbul’da Zindankapısı hâricinde çardak tahtında vâki‘ bir bâb bakkāl dükkânını işbu yedimde olan temessük mantûkunca ashâbından müşâhereten istîcâr ve tesellüm edip hâlâ taht-ı icâremde ve ber-mûceb-i defter-i müfredât derûnunda olan âlât ve eşyâ-i ma‘lûme dahi benim mâlım iken mesfûr Angeli bi-gayr-ı hakkın müdâhale eder men‘ ü def‘ olunmak matlûbumdur dedikde gıbbe’l-istintâk mesfûr Angeli hâl bast olunan minvâl üzere olduğunu ikrâr lâkin zikr olunan dükkânın nısf gediği benim olmağla dükkân-ı mezbûrun nısfına ben mutasarrıf olurum deyü eylediği da‘vâsı meşrû‘a olmayıp bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 7 Rebî‘ülevvel sene 1153.