Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 349 Hüküm no: 510 Orijinal metin no: [76a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Gemi reisi Akva v. Panayot’un yoldaşlarından Morka’nın gemi direğinin kafasını ezmesi sonucu öldüğü Bi’l-fi‘il hâssa bostancıbaşı olan iftihârü’l-emâcid ve’l-ekârim câmi‘ü’l-mehâmid ve’l-mekârim Hasan Ağa b. ( )’nun -zîde kadruhu- terekecibaşısı olan kıdvetü’l-emâsil ve’l-eşbâh İsmail tarafından işbu bâ‘isü’l-kitâb Ömer Halîfe el-bostanî mahfil-i kazâya gelip takrîr-i kelâm ve bast-ı merâm edip hadâik-ı sultâniyeden Hasbahçekapısı dâhilinde merbûta Muslı Beşe nâm râcilin sefînesinde hâlâ reis olan Akva v. Panayot’un yoldaşlarından Morka v. Yani nâm zimmîyi işbu târîh-i kitâb günü gemi direği basdırıp başını ezip hâlik olmuşdur. Hâlâ üzerine varılıp keşf ve tahrîr olunması murâd ederler dedikde mahkeme-i şerîfeden mevlânâ Abdulkādir Efendi irsâl olunup ol dahi zeyl-i kitâbda mastûrü’l-esâmî olan Müslimîn ile varıp nazar eylediklerinde fi’l-vâki‘ mezbûr Morka’yı gemi direği basdırıp başını ezip hâlik olduğunu mu‘âyene ve müşâhede ettiklerinden sonra vâki‘ hâli mevlânâ-yı mezbûr mahallinde tahrîr ba‘dehû yine zeyl-i kitâbda muharrerü’l-esâmî olan Müslimîn ile gelip herbiri vukū‘u üzere inhâ ve takrîr etmeğin mâ-vaka‘a gıbbe’t-taleb ketb olundu. Tahrîren fi’l-yevmi’s-sâmin min-Zilhicceti’ş-şerîfe li-sene erba‘a ve sittin ve elf. Şuhûdü’l-hâl: Kireçcibaşı Ahmed Bey, Mustafa Bey b. Sefer bekçi, İbrahim Bey kethüdâ-yı kürkçüyân, Mustafa Bey b. Sefer bekçi, Mehmed Bey el-yesârî, Haseki Ömer Bey, Hasan Bey b. Bali, Hasan Beşe b. Abdullah, Rıdvan Beşe [b.] Abdullah ve gayruhum.