Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 530 Hüküm no: 714 Orijinal metin no: [82a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine Hatun’un asma çardağından düşerek vefat ettiği Ma‘rûz Sâhib-i arzuhâl Osman Ağa Bâb Mahkemesi’nde meclis-i şer‘de İstanbul İshak Paşa mahallesinde vâki‘ sâkin olduğum menzilimde zevcem Emine Hatun bir gün mukaddem asma çardağından düşüp fevt olmağla kıbel-i şer‘den üzerine varılıp keşf olunması matlûbumdur deyü bir kıt‘a keşif fermânı ibrâz ettikde imtisâlen-lehû kıbel-i şer‘den irsâl olunan es-Seyyid Ömer Efendi dâ‘îleri subaşı ve asesbaşı ma‘rifetiyle ve mahalle-i mezbûre imâmı Ahmed Efendi ve ahâlîsinden sekiz nefer bî-garaz Müslimîn ile merkūm Osman Ağa’nın menziline varıp nisâ-i sâlihâtdan Fâtıma bt. Abdullah ve Safiye bt. Abdurrahman ve Âişe bt. Abdullah nâm hatunlara müteveffiye-i mezbûreyi irâet ettirdikde mezbûrât dahi a‘zâsına ba‘de’n-nazar eser-i cerh olmayıp ancak zikr olunan çardakdan düşmekle arkasında ve sağ kolunda kara bere olduğunu mu‘âyene ve müşâhede edip ber-minvâl-i muharrer [haber] verdiklerinde mevlânâ-yı mezbûr dâ‘îleri mezbûrâtın haberlerini ba‘de’t-tahrîr ma‘an ba‘s olunan ümenâ-i şer‘le meclis-i şer‘a gelip inhâ eylediği huzûr-ı âlîlerine i‘lâm olundu. Fî 7 Ra sene 1153.