Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 531 Hüküm no: 715 Orijinal metin no: [82a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Değirmen tasarrufu davasında meselenin mahallinde görülerek halledilmesi Bâ-mühr-i efendi Ma‘rûz Sâhib-i arzuhâl es-Seyyid Hüseyin meclis-i şer‘de derûn-ı arzuhâlde mastûrü’l-ism Mahmud nâm kimesne muvâcehesinde medîne-i Balçık? kurbünde Akpınar suyu? üzerinde dâir bir bâb âsiyâb ba‘de i‘lâm merhûm Elvan Hoca b. Murad nâm sâhibü’l-hayrın vakfı ve ben bâ-berât-ı âlîşân evlâdiyet ve meşrûtiyet üzere mutasarrıfı olup âhardan dahl îcâb etmez iken mezbûr Mahmud bi-gayr-ı vechin müdâhale eder deyü da‘vâ ol dahi kezâlik evlâdiyet iddi‘âsında olup husûs-ı mezbûr mahallinde görülmek üzere fermân-ı âlî iltimâs eyledikleri huzûr-ı âlîlerine i‘lâm olundu. Fî 6 Rebî‘ülevvel sene 1153.