Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 536 Hüküm no: 727 Orijinal metin no: [83a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa ve hanımının eşyaları hususundaki iddialarını ispatlayamadığı Bâ-mühr-i efendi Ma‘rûz Sâhibey-i arzuhâl Mustafa nâm kimesne ile zevcesi Âişe nâm hatun zâtı ba‘de’t-ta‘rîfi’ş-şer‘î her biri meclis-i şer‘de derûn-ı arzuhâlde mastûrü’l-ism Duhânî Boşnak Mustafa b. İslâm nâm kimesne mahzarında târîh-i i‘lâmdan bir ay mukaddem mezbûr Boşnak Mustafa hâzıra bi’l-meclis Ârife nâm câriyemizi işbu Emetullah nâm hatun vesâtetiyle iğfâl ve idlâl ol dahi mahmiye-i İstanbul’da Hoca Paşa mahallesinde vâki‘ sâkin olduğumuz menzilde mevcûde cem‘an altı yüz guruşluk emvâl ve eşyâ-i me‘lûmemizi ahz ve mezbûr Boşnak Mustafa’ya teslîm etmekle eşyâ-i mezbûrenin aynı mevcûd ise aynını müstehlek ise ba‘de’s-sübût kıymet-i şer‘iyyesi olan meblağ-ı mezbûr altı yüz guruşu taleb ederiz deyü ba‘de’d-da‘vâ ve’l-inkâr müdde‘iyân-ı mezbûrân müdde‘âlarını isbâta kādirler olmayıp bi’t-taleb mezbûr Boşnak Mustafa ba‘de’t-tahlîfi’ş-şer‘î mûcebince müdde‘iyân-ı mezbûrân bilâ-beyyine bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 14 R sene 1153.