Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 543 Hüküm no: 742 Orijinal metin no: [84b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Dimo’nun vasisinin Panayot olduğu Ma‘rûz Vilâyet-i Rumeli’de Yenişehir-i Fener kazâsında Ağrefe nâm karye ahâlîsinden iken bundan akdem katîlen hâlik olan Bakkāl Dimo v. Panayot v. Hıristo zimmînin eniştesi olup derûn-ı arzuhâlde mezkûrü’l-ism Niko v. Panayot zimmî Bâb Mahkemesi’nde meclis-i şer‘de hâlik-i mesfûrun mazmûnu müsbet bâ-hüccet-i şer‘iyye vasiyy-i muhtârı sâhib-i arzuhâl Panayot v. Yani zimmîden arzuhâlde mezkûr tasaddî eylediği vesâyet da‘vâsından fâriğ olup vesâyet-i mezkûrede benim aslâ ve kat‘â alâkam yokdur ve hâlik-i mesfûrun mezkûr Panayot vasiyy-i muhtârıdır deyü ikrâr ve i‘tirâf eylediği ba‘de’t-tescîl huzûr-ı âlîlerine i‘lâm olundu. Fî 21 Ra sene 1153.