Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 544 Hüküm no: 743 Orijinal metin no: [84b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Katil kasdı davasında sulh olduğu Ma‘rûz Vilâyet-i Rumeli’de Yenişehir-i Fener kazâsında Ağrefe nâm karye ahâlîsinden ve bahçıvan tâifesinden Şigo v. Panayot zimmî Bâb Mahkemesi’nde meclis-i şer‘de bundan akdem gāibân ani’l-meclis Bakkāl Dimo ve İsteryo zimmîleri karye-i mezbûrenin ormanlığı arasında helâk etmek kasdıyla benim üzerime tüfenk sıkdılar deyü mezbûrânı bostancıbaşı ağa tarafından ahz ü habs ettirmiş idim lâkin mezbûrânın husûs-ı mezkûrda alâkaları olmadığına habîr olmam ile mezbûrân Dimo ve İsteryo ile kat‘an husûs-ı mezkûra müte‘allıka da‘vâ ve nizâ‘ ve husûmetim yokdur deyü ikrâr ve i‘tirâf eylediği ba‘de’t-tescîl huzûr-ı âlîlerine i‘lâm olundu. Fî 21 Ra sene 1153.