Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 544 Hüküm no: 744 Orijinal metin no: [84b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Meryem’in miras işlerini halletmek üzere Edirne’ye dönmesine engel olunmaması Ma‘rûz Sâhibe-i arzuhâl Meryem bt. Menteş nâm Yahûdiye İstanbul hısnı ebvâbından Balatkapısı hâricinde Karabaş mahallesi sâkinelerinden olup hâlâ mahrûse-i Edirne’de hâlike olan kız karındaşı Rine nâm Yahûdiyenin terekesini vâzı‘u’l-yed olanlardan taleb ve da‘vâ ve ahz u kabz etmek için mezbûre Meryem üç re’s evlâd-ı sıgārı ile mahrûse-i mezbûreye gidip Âsitâne-i sa‘âdete avdet murâd edip ve müdde‘âsı vâki‘ ve nefsü’l-emre mutâbık olduğunu husûs-ı mezkûra vukūf-ı tâmmı olan es-Seyyid Osman b. Ahmed ve Mehmed Çelebi b. Mustafa ve Süleyman Ağa b. Ali ve Ali b. Mehmed ve Kara Ali b. Abdullah nâm kimesneler Mahkeme-i Bâb’da alâ-tarîkı’ş-şehâde haber vermeleriyle esnâ-i tarîkde mürûr u ubûrlarına mümâna‘at olunmamak üzere fermân-ı âlî sadaka ve ihsân buyrulmak ricâsına mezbûre Meryem istirhâm ettiği huzûr-ı âlîlerine i‘lâm olundu. Fî 22 Ra sene 1153.