Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 551 Hüküm no: 755 Orijinal metin no: [86a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mardıros’un Yasef’e olan borcunu ödemesi Bâ-mühr-i hazret-i efendi İşbu arzuhâlin hâmişinde i‘lâm olunduğu üzere müdde‘î-i mezbûr Yasef hasmı merkūm Mardıros’dan iddi‘â eylediği altmış beş guruşu derûn-ı i‘lâmda tasrîh olunduğu vech üzere merkūm Mardıros’un ikrâr-ı müteahhirine bundan akdem muvâcehesinde ikāmet eylediği şuhûddan mâ‘adâ yine muvâcehesinde lede’ş-şer‘ adâletleri zâhir olan şâhidîn ile ba‘de’l-isbât ve’l-hükm meblağ-ı mezbûr altmış beş guruşu müdde‘î-i merkūm Yasef’e edâya mesfûr Mardıros’a tenbîh olunduğu huzûr-ı âlîlerine i‘lâm olundu. Fî 5 min-şehri Rebî‘ülâhir sene 1153.