Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 553 Hüküm no: 758 Orijinal metin no: [86b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgi’nin Sava’ya olan borcunu taksitle ödeyeceği Ma‘rûz Sâhib-i arzuhâl Bakkāl Yorgi zimmînin derûn-ı arzuhâlde mastûr Sava zimmîye cihet-i deyn-i şer‘îden yüz yirmi beş guruşdan bâkī doksan beş guruş deyni olduğu ikrârıyla sâbit olup lâkin meblağ-ı mezbûru hâlâ ve def‘aten edâya iktidârı olmayıp tecîl ve taksîte tâlib olduğunda mersûm Sava zimmî dahi her re’s-i şehirde kendüye beş guruş verip târîh-i i‘lâmdan otuz ay tamâmına değin edâ ve teslîm etmek üzere tecîl ve taksît eylediğinde mezbûr Yorgi zimmî ber-minvâl-i muharrer râzı ve meblağ-ı mecmû‘-ı mezbûru merkūm Sava’ya müddet-i madrûbe tamâmına değin edâya ta‘ahhüd eylediği Bâb Mahkemesi’nde tescîl ve huzûr-ı âlîlerine i‘lâm olundu. Fî 7 min-Rebî‘ülâhir sene 1153.