Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 352 Hüküm no: 515 Orijinal metin no: [76b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefât eden Mansur b. Murad’ın kölesinin terekeden aldığı katır bahasından vârislere borcu olduğu Mahmiye-i İstanbul’da Hoca Hayreddin Mahallesi’nde sâkin iken vefât eden Mansur b. Murad’ın utekāsından Kenan b. Abdullah mahfil-i kazâda müteveffâ-i mezbûrun eytâm-ı sıgārına kıbel-i şer‘den mansûb vasîleri olan bâ‘isü’l-kitâb li-ebeveyn ammileri olan Mehmed Beşe mahzarında ikrâr ve takrîr-i kelâm [edip] müteveffâ-i mezbûrun eytâm-ı sıgārına intikāl eden muhallefâtından levni beynimizde ilm-i şer‘î ile ma‘lûm bir re’s katırı vasiyy-i mezbûr Mehmed Beşe yedinden semen-i misli olan doksan riyâlî guruşa bâtten iştirâ ve tesellüm eyledim, semen-i mezbûr doksan riyâlî guruşu zikrolunan katır bahâsından el-ân zimmetimde lâzımü’l-edâ ve vâcibü’l-kazâ deynimdir dedikde mukırr-ı mezbûr Kenan’ı ikrâr-ı meşrûhunda vasiyy-i mezbûr Mehmed Beşe vicâhen ve şifâhen tasdîk ve tahkīk edicek mâ-vaka‘a bi’t-taleb ketb olundu. Fi’l-yevmi’l-mezbûr, fi’t-târîhi’l-merkūm. Şuhûdü’s-sâbıkūn.