Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 557 Hüküm no: 767 Orijinal metin no: [87a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil’in Ahmed’e olan borcunu ödemesi Sâhib-i arzuhâl Ahmed Mahkeme-i Bâb’da meclis-i şer‘de derûn-ı arzuhâlde mezkûr es-Seyyid Halil’den bâ-temessük karzdan iki yüz altmış dört guruş taleb ve da‘vâ eyledikde ol dahi meblağ-ı mezbûr cihet-i mezkûreden müdde‘î-i merkūme zimmetinde deyni olduğunu ikrâr lâkin meblağ-ı mezbûrun bi’d-defa‘ât doksan bir buçuk guruşunu târîh-i i‘lâm senesi Muharremi evâsıtında kendüye edâ ve teslîm edip zimmetimde ancak yüz yetmiş iki buçuk guruş hakkı kalmışdır deyü ba‘de’d-def‘ ve’l-inkâr meblağ-ı mezbûr yüz yetmiş iki buçuk guruşu müdde‘î-i mezbûra edâ ve teslîme mezbûr es-Seyyid Halil’e bir ay mukaddem tenbîh ve zabt ve tescîl olundukdan sonra def‘-i mezkûrunu beyâna havâle olunup târîh-i i‘lâma gelince bi’d-defa‘ât taraf-ı şer‘den muhzır dâ‘îleriyle li-ecli’l-mürâfa‘a da‘vet olundukda ihtifâ edip mürâfa‘aya gelmediği huzûr-ı âlîlerine i‘lâm olundu. Fî 11 min-Rebî‘ülâhir sene 1153.