Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 560 Hüküm no: 772 Orijinal metin no: [88a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terzi Aleksan’ın Maraş Valisi Murtaza Paşa’daki alacak iddiasını ispatlayamadığı Bâ-mühr-i efendi Arzuhâl eden Terzi Aleksan zimmî hasmı Süleyman Ağa’dan hâlâ Maraş Vâlisi Murtaza Paşa zimmetinde işbu yedimde olan müfredât defteri mûcebince beynimizde ma‘lûm astar ve gaytan ve iplik ve düğme ve sâir eşyâ semenleriyle ücret-i hayyâtımdan ba‘de külli’l-hesâb bin yetmiş beş guruş hakkım olup bundan akdem meblağ-ı mezkûru paşa-i müşârün-ileyh şerâit-i sıhhat havâle mevcûde olduğu halde kapı kethüdâsı mezbûr Süleyman Ağa’dan bana havâle etmiş idi deyü ba‘de’d-da‘vâ ve’l-inkâr beyyineden ızhâr-ı acz ile istihlâf ettikde ol dahi alâ-vefki’l-mesûl half billâhi’l-aliyyi’l-a‘lâ etmeğin merkūm Aleksan zimmî bilâ-beyyine mezbûr Süleyman Ağa’ya bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 12 min-şehri Rebî‘ülâhir sene 1153.