Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 562 Hüküm no: 777 Orijinal metin no: [88a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sahak’ın nizama aykırı hareket etmesinden dolayı uyarıldığı Ma‘rûz …? esnafından kethüdâları es-Seyyid el-Hâc İsmail Çelebi ve yiğitbaşıları es-Seyyid Mehmed Çelebi ve ihtiyârlarından Mehmed Çelebi ve Osman nâm kimesneler ile zimmî ustalardan on beş nefer mazbûtü’l-esâmî zimmîler Bâb Mahkemesi’nde es-Seyyid Mehmed Haşim Çavuş mübâşeretiyle meclis-i şer‘a ihzâr ettirdikleri Sahak v. Avadik zimmî muvâcehesinde mesfûr Sahak esnafımız erbâbından olup lâkin kendi hâlinde olmayıp dâimâ esnafımız erbâbını ta‘cîz ve rencîde ve nizâm-ı kadîmimizin hilâfına vaz‘ u hareket etmekle ihtilâline bâ‘is olur deyü teşekkî etmeleriyle mesfûr Sahak fîmâ-ba‘d esnaf-ı mezbûr erbâbını ta‘cîz ve rencîde ve nizâm-ı kadîmlerine mugāyir vaz‘ u hareket etmemek üzere tenbîh olunduğu huzûr-ı âlîlerine i‘lâm olundu. Fî 14 min-şehri Rebî‘ülâhir sene 1153.