Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 562 Hüküm no: 778 Orijinal metin no: [88b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Borcu sebebiyle hapsedilmiş olan Hıristo’nun salıverilmesi Derkenârda mezkûrü’l-ism Kelbende nâm zimmîye ber-mûceb-i i‘lâm elli beş guruş deyni için sicn-i sultânîde mahbûs olan sâhib-i arzuhâl Hıristo v. Ustoço zimmî el-yevm lâbis olduğu köhne libâsından gayrı ism-i mâl ıtlâk olunur bir nesneye mâlik olmayıp meblağ-ı mezbûru hâlâ ve def‘aten edâya iktidârı yokdur, müflis ü mu‘dim ve mu‘sir olduğunu ahvâline ıttılâ‘-ı tâmmı olup cerîdede isimleri mastûr yedi nefer zimmîler dâyin-i merkūm Kelbende zimmî muvâcehesinde alâ-tarîkı’ş-şehâde her biri haber vermeleriyle medyûn-ı mesfûr Hıristo zimmînin si‘at-i hâline değin habsi meşrû‘ olmadığı huzûr-ı âlîlerine i‘lâm olundu. Fî 11 min-şehri Rebî‘ülâhir sene 1153.