Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 563 Hüküm no: 779 Orijinal metin no: [88b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Afife Hanım ile Saliha Hatun arasındaki eşya davasına sulh olduğu Ma‘rûz Derûn-ı arzuhâlde mezkûretü’l-ism Afife Hanım bt. Ahmed Ağa b. Mehmed vekîl-i sâbitü’l-vekâlesi Rukiye bt. Mehmed nâm hatun Mahkeme-i Bâb’da meclis-i şer‘de sâhibe-i arzuhâl Saliha Hatun muvâcehesinde taraf-ı şer‘den yedlerine i‘tâ olunan hüccet-i şer‘iyyede tafsîl ve beyân olunduğu vech üzere vekâleten ber-mûceb-i defter-i müfredât iki bin iki yüz elli beş guruş kıymetli eylediği eşyâ-i ma‘lûme da‘vâsından tavassut-ı muslihîn ile iki yüz guruş bedel-i makbûz mukābelesinde merkūme Saliha Hatun ile sulh olup mâ‘adâsına ve târîh-i i‘lâma gelince cemî‘ hukūka müte‘allıka âmme-i de‘âvî ve muhâsamât ve kâffe-i mutâlebât ve eymândan ahadühümâ âharın zimmetini ibrâ-i âm ile asâleten ve vekâleten ibrâ ve ıskāt ve kabûl edip kat‘-ı nizâ‘ eyledikleri huzûr-ı âlîlerine i‘lâm olundu. Fî 14 min-şehri Rebî‘ülâhir sene 1153.